Դեպի վեր

Արդարադատության նախարարը ԱՄՆ ՄԶԳ հայաստանյան գրասենյակի ղեկավարի հետ քննարկել է փոխգործակցությունը խորացնելուն վերաբերող մի շարք հարցեր

01/12/2015

 Հայաստանի Հանրապետության արդարադատության նախարար Արփինե Հովհաննիսյանը դեկտեմբերի մեկին ընդունել է ԱՄՆ միջազգային զարգացման գործակալության հայաստանյան գրասենյակի ղեկավար Քարեն Հիլիարդին:

 Հանդիպման ընթացքում կողմերն անդրադարձել են ՀՀ հակակոռուպցիոն ռազմավարության և դրա իրականացման 2015-2018թթ․ միջոցառումների ծրագրին, քաղաքացիական հասարակություն-պետական մարմին համագործակցության խորացմանը, երեխաների իրավունքների պաշտպանությանը, ինչպես նաև երկկողմ հետաքրքրություն ներկայացնող այլ հարցերի:  

 Արփինե Հովհաննիսյանը բարձր է գնահատել Արդարադատության նախարարության և ԱՄՆ ՄԶԳ հայաստանյան գրասենյակի միջև համագործակցության ներկայիս մակարդակը և այն խորացնելու ու զարգացնելու պատրաստակամություն հայտնել:

 Քարեն Հիլիարդը գոհունակություն է հայտնել հակակոռուպցիոն ծրագրի շրջանակում դոնոր կազմակերպությունների հետ Արդարադատության նախարարության՝ վերջերս կազմակերպած քննարկման վերաբերյալ և համոզմունքով նշել, որ այն կտա ցանկալի արդյունքը:

 Հանդիպման ավարտին կողմերը վերահաստատել են վերոնշյալ ոլորտներում, ինչպես նաև մի շարք նոր ծրագրերում փոխգործակցությունը խորացնելու պատրաստակամությունը: 

Քննարկել
Վերադառնալ նախորդ էջ
Նախարարություն Գործառույթներ Գրադարան Տեղեկատվական կենտրոն Ընդունելություն

Բաժանորդագրություն