Դեպի վեր

Արդարադատության նախարարն ընդունել է Կարմիր խաչի միջազգային կոմիտեի պատվիրակության ղեկավարին

29/02/2016

 Հայաստանի Հանրապետության արդարադատության նախարար Արփինե Հովհաննիսյանն այսօր ընդունել է Կարմիր խաչի միջազգային կոմիտեի պատվիրակության ղեկավար Կարոլին Դույեին:

 Նախարարը գոհունակություն է հայտնել երկու կառույցների միջև առկա համագործակցության մակարդակից և բարձր գնահատել ԿԽՄԿ-ի՝ արդարադատության ոլորտում բարեփոխումներ իրականացնելունն ուղղված ջանքերը:

 Պատվիրակության ղեկավարը շնորհակալություն է հայտնել նախարարին ընդունելության համար և ներկայացրել կառույցին հետաքրքրող հարցերի շրջանակը:

 Մասնավորապես, հանդիպման ընթացքում կողմերն անդրադարձել են քրեակատարողական հիմնարկներում մի շարք ծրագրերի իրականացմանը, դատապարտյալների զբաղվածության ապահովման խնդրին, ցմահ դատապարտյալների տեսակցությունների թվի ավելացմանը, անհայտ կորածների իրավական կարգավիճակի սահմանման օրենսդրական կարգավորման խնդրին և այլն:

 Արդարադատության նախարարն ու Կարմիր խաչի միջազգային կոմիտեի պատվիրակության ղեկավարը համագործակցությունը խորացնելու և ներկայիս համատեղ իրականացվող ծրագրերի շարունակականությունն ապահովելու պատրաստակամություն են հայտնել:

Քննարկել
Վերադառնալ նախորդ էջ
Նախարարություն Գործառույթներ Գրադարան Տեղեկատվական կենտրոն Ընդունելություն

Բաժանորդագրություն