Դեպի վեր

Դատաիրավական բարեփոխումներին նվիրված դասընթաց

14/10/2013

  Հոկտեմբերի 12-13-ը Աղվերանում անցկացվել է երկօրյա դասընթաց՝ նվիրված դատաիրավական բարեփոխումների շրջանակներում իրականացվող աշխատանքներին:

  ԶԼՄ ներկայացուցիչների համար նախատեսված այս դասընթացի ժամանակ ներկայացվել են լրագրողների և դատական համակարգի միջև հարաբերությունների իրավական կողմերը, ինչպես նաև հանրային ծառայության բարեփոխումները՝ մասնավորապես ռազմավարությունն ու ձեռքբերումները:

  Մանրամասն ներկայացվել են իրավաբանական անձանց գրանցման, լուծարման ընթացակարգերի բարեփոխումները, ՔԿԱԳ բազայի թվայնացման ուղղությամբ տարվող աշխատանքները, անդրադարձել են ՄԻԵԴ որոշումների ազդեցությանը արդարադատության որակի և ներպետական իրավական համակարգի վրա:

  Դասընթացի ժամանակ հայտարարվել է ԶԼՄ ներկայացուցիչների շրջանում կազմակերպվող մրցույթի մասին. հրապարակումները պետք է լինեն սեմինարի ընթացքում քննարկված թեմաների շուրջ:

  Դասընթացին մասնակցել են նաև  ՀՀ արդարադատության նախարարի տեղակալներ Արամ Օրբելյանը, Ռուբեն Մելիքյանը, նախարարի խորհրդական Նորա Սարգսյանը: Նրանք անդրադարձել  են լրագրողներին հուզող խնդիրներին, պատասխանել նրանց հարցերին:

  Սեմինարը կազմակերպել էր «Իրավունքի հայկական կենտրոն» հասարակական կազմակերպությունը Արդարադատության նախարարության հետ համատեղ` «Գերմանիայի միջազգային համագործակցություն» ընկերության Հարավային Կովկասում իրավական և դատական բարեփոխումների համար խորհրդատվություն ծրագրի օժանդակությամբ:

Քննարկել
Վերադառնալ նախորդ էջ
Նախարարություն Գործառույթներ Գրադարան Տեղեկատվական կենտրոն Ընդունելություն

Բաժանորդագրություն