Դեպի վեր
Տեսա-ձայնադարան

Նոր կառավարության նոր դեմքերը

Ովքե՞ր են նոր նախարարները, ի՞նչ ճանապարհ են անցել և ինչպիսի՞ն է նրանց մարդկային դիմագիծը: «Հրապարակում» հեռուստածրագրի դիտակետում արդարադատության, բնապահպանության և քաղաքաշինության բնագավառների նոր պատասխանատուներն են:

Արդարադատության դիմանկար

«Երկիր մեդիա» հեռուստաընկերության «Արդարադատության դիմանկար» հաղորդման անդրադարձը Հայաստանի Հանրապետության դեմ ՄԻԵԴ ներկայացված գանգատներին, կայացրած վճիռների կատարմանը: 

Գրիգոր Մուրադյանը պարզաբանում է ՀՀ վարչապետի հայտարարությունը

ՀՀ արդարադատության նախարարի առաջին տեղակալի ժամանակավոր պաշտոնակատար Գրիգոր Մուրադյանը 1in.am-ի հետ զրույցում մեկնաբանել է ՀՀ վարչապետ Հովիկ Աբրահամյանի հայտարարությունը՝ սեղմ ժամկետներում նախապատրաստել օրենքի նախագիծ, որով, մինչև Սահմանադրական դատարանի 2014-ի ապրիլի 3-ի որոշմամբ նախատեսված` «Կուտակային կենսաթոշակների մասինե օրենքի վերաբերյալ օրենսդրական փաթեթի ընդունումը, Ազգային Ժողովի կողմից կկասեցվի տույժերի հաշվարկը։

Արյունատվության ակցիա` Ավետման տոնին

Արյունաբանական ինստիտուտում մարդաշատ է: Կամավոր դոնորների շարքերը համալրելու են եկել Արդարադատության նախարարության աշխատողները: Դոնոր դառնալ ցանկացողները շատ են, դոնորության համար անհրաժեշտ պահանջները` նույնպես: Քաջ առողջությունը նախապայման է: Բոլոր ցանկացողները դոնորի հարցաթերթիկ են լրացնում: Հետո մանրակրկիտ բժշկական զննում անցնում: Հրայր Թովմասյանի խոսքով` ի սկզբանե որոշել էին երեք տասնակ աշխատակիցներով գալ, հետո պարզեցին, որ նրանցից գուցե միայն 5-ը կարողանան համապատասխանել դոնոր դառնալու չափանիշներին, ու կամավորների թիվն ավելացավ: Արյուն հանձնողներին նախ քաղցր թեյ են տալիս, հետո նաև` ուղեկցում ճաշարան: Հայաստանը 60-70 հազար կամավոր արյան դոնորի կարիք ունի: Առկա դոնորների քանակը մեր երկրի պահանջարկի միայն 4 տոկոսն է կազմում: Հրայր Թովմասյանն նշեց, որ օրվա ընտրությունը պատահական էր, միաժամանակ չբացառեց, որ հետագայում մայրության տոնին արյուն հանձնելը նախարարությունում ավանդույթ դառնա:

IWPR. «Անչափահաս իրավախախտներ.վերականգնողական կենտրոնների փակման խնդիրը»

 Մարտի 12-ին «Մեդիա կենտրոնում» տեղի է ունեցել քննարկում՝ «Անչափահաս իրավախախտներ.վերականգնողական կենտրոնների փակման խնդիրը» թեմայով: Քննարկումը նախաձեռնել էր Պատերազմի և խաղաղության լուսաբանման ինստիտուտի հայաստանյան գրասենյակը: Քննարկման բանախոսներն էին՝ ՀՀ արդարադատության նախարարի տեղակալ Արամ Օրբելյանը , Հայ օգնության ֆոնդի երեխաների աջակցության կենտրոնի գործադիր տնօրեն Միրա Անտոնյանը,  Փի-Էյչ Ինթերնեշնլ կազմակերպության հայկական գրասենյակի ղեկավար Մարիամ Մարտիրոսյանն ու ՀՀ ոստիկանության երրորդ վարչության պետի տեղակալ Արթուր Վարդանյանը:

Արդարադատության նախարարության բարեփոխումների մասին քննարկում Սյունիքում.Iravaban.net

Հայաստանը 6-րդ տեղն է զբաղեցնում աշխարհում բիզնես սկսելու, ընկերություն գրանցելու հեշտությամբ: Չնայած դրան՝ դեռևս առկա են բավական թվով խնդիրներ: Այս մասին դեկտեմբերի 9-ին Հայաստանի երիտասարդ իրավաբանների ասոցիացիայի կողմից գործարկվող Սյունիքի հակակոռուպցիոն կենտրոնի կազմակերպած միջոցառման ժամանակ հայտարարել է Հայաստանի Հանրապետության արդարադատության նախարարի տեղակալ Արամ Օրբելյանը: Նա ներկայացրել է նոտարական, ՔԿԱԳ մարմիններում, ԴԱՀԿ ծառայությունում, քրեակատարողական ծառայության և պետական ռեգիստրի գործունեության ոլորտներում իրականացվող բարեփոխումները:

Քննարկում Գյումրիում. «Հայաստանն ընդդեմ կոռուպցիայի» ծրագրի շրջանակներում

  Նոյեմբերի 27-ին Գյումրիում անցկացվել է «Հայաստանն ընդդեմ կոռուպցիայի» ծրագրի շրջանակներում քննարկում, որի նպատակն էր ներկայացնել բարեփոխումների շրջանակում իրականացված աշխատանքները, նոտարական ՔԿԱԳ մարմիններում, ԴԱՀԿ, քրեակատարողական ծառայությունների, ինչպես նաև իրավաբանական անձանց գրանցման պետռեգիստրի ոլորտներում դեռևս առկա խնդիրներն ու դրանց լուծման ճանապարհները:  Միջոցառումը նախաձեռնել էին Հայաստանի երիտասարդ իրավաբանների ասոցիացան և Շիրակի հակակոռուպցիոն կենտրոնը: Քննարկմանը մասնակցել են ՀՀ արդարադատության նախարարի տեղակալ Արամ Օրբելյանը, Շիրակի մարզում գործող վերը նշված ծառայությունների, հասարակական կազմակերպությունների ներկայացուցիչները:  Փոխնախարար Արամ Օրբելյանը քննարկման մասնակիցներին հակիրճ ներկայացրել է ՔԿԱԳ մարմիններում իրականացվող փաստաթղթերի թվայնացման գործընթացը, իրազեկել նաև, որ առաջիկայում ակնկալվում է էլեկտրոնային նոտարական համակարգի շնորհանդեսը: 

«Բանաձև»-ի անդրադարձը պրոբացիայի ծառայությանն ու դրա ներդրմանն ուղղված աշխատանքներին

Պրոբացիայի ծառայությունը նպաստում է քրեական արդար դատավարությանը, հանցագործություն կատարած անձին հասարակություն վերադարձնելու կազմակերպմանը: Փորձը ցույց է տվել, որ միայն պատժի կիրառումն արդյունավետ չէ, առավել էֆեկտիվ է վերականգնողական արդարադատությունը, երբ հոգեբանները, սոցիալական աշխատողներն ու մյուս մասնագետներն իրավախախտին պատրաստում են հասարակություն վերադառնալուն և որոշակի գործունեություն իրականացնելուն: «Արմնյուզ» լրատվական հեռուստաալիքի «Բանաձև» հաղորդման ժամանակ այս և այլ թեմաների շուրջ են զրուցել ՀՀ արդարադատության նախարարի օգնական Հայկ Սարգսյանն ու «Սոցիալական արդարություն» ՀԿ նախագահ Արշակ Գասպարյանը:  

Տեսանյութն ամբողջությամբ կարող եք դիտել սկզբնաղբյուր կայքում:

Դատավորների գնահատման առաջարկվող մեխանիզմը տարակարծությունների տեղիք է տվել. ԱՐՄՆՅՈՒԶ

«Ինչ անել, որ դատական իշխանության վերին օղակներում ոչ թե միջակները, այլ լավագույնները հայտնվեն: Դատական օրենսգրքի փոփոխություններով Արդարադատության նախարարությունը խնդրի լուծման տարբերակ է գտել` գնահատել դատավորներին ու լավագույններին ընդգրկել առաջխաղացման ցուցակներում: Եվրախորհրդի անդամ երկրների 2/3-ում դատավորի գործունեության գնահատման մեխանիզմն արդյունավետ գործում է»,- տեղեկացնում է «Արմնյուզ» լրատվական հեռուստաալիքը՝ ավելացնելով, որ ըստ նախագծի, վիճակահանությամբ ընտրված դատավորները կգնահատեն դատական ակտերի հիմնավորվածությունը եւ նիստերին դատավորի պատշաճ վարքը: Ցածր գնահատված դատավորների նկատմամբ կարգապահական միջոցներ կկիրառվեն` սկսած հարկադիր վերապատրաստումից մինչեւ լիազորությունների դադարեցում` 6 տարի շարունակ վատ ցուցանիշներ արձանագրելու դեպքում:

Մանրամասները՝ սկզբնաղբյուր կայքում:

Ինչպե՞ս որդեգրել հայ երեխա

Ա1+ -ի հետ հարցազրույցում ՀՀ ԱՆ քաղաքացիական կացության ակտերի գրանցման գործակալության պետի տեղակալ Արգամ Ստեփանյանը տեղեկացնում է, որ 2013 թվականի առաջին կիսամյակում նոր ընտանիք է ձեռք բերել ընդամենը 45 երեխա, որից 23-ը Հայաստանի սահմաններից դուրս։ Նրա խոսքով՝ նախորդ տարվա համեմատ նվազել է որդեգրությունների քանակը

Նախարարություն Գործառույթներ Գրադարան Տեղեկատվական կենտրոն Ընդունելություն

Բաժանորդագրություն