Նորություններ
Պարտապանի մահվան դեպքում պարտատերերի կողմից պահանջներ ներկայացնելու կարգը
Պարտապանի մահվան դեպքում պարտատերերն իրավունք ունեն ժառանգության բացման օրվանից վեց ամսվա ընթացքում իրենց պահանջները ներկայացնել ժառանգությունն ընդունած ժառանգին կամ կտակակատարին, իսկ նշված անձանց բացակայության դեպքում` ժառանգության բացման վայրի նոտարին, մինչև ժառանգների կողմից ժառանգության իրավունքի վկայագիր ստանալը:
«Աբովյան» քրեակատարողական հիմնարկում պահվող կին դատապարտյալների համար նկարչության վարպետաց դաս է անցկացվել
Արդարադատության նախարարության աջակցությամբ, օգոստոսի 12-13-ին «Աբովյան» քրեակատարողական հիմնարկում նկարչուհի Վիկտորյա Լոմասկոյի կողմից անցկացվել է վարպետաց դաս, որին մասնակցել են կին դատապարտյալները:
Մեկնարկել է hաշտարարի որակավորման դասընթացը
Հայաստանի Հանրապետության արդարադատության նախարարությունում օգոստոսի 11-ին մեկնարկել է hաշտարարի որակավորման դասընթացը, որին մասնակցելու համար 60-ից ավել հայտ է ստացվել: Դասընթացի հիմնական նպատակն է ձեռք բերել մասնագիտական հմտություններ, մասնավորապես, ուսումնասիրել կողմերին հաշտեցնելու ուղղությունները և կիրառել դրանց մեթոդներն ու ձևերը:
Կարևորվում են դատապարտյալներին զբաղվածության պետական ծրագրերում ներգրավելու և աշխատանքի տեղավորելու հարցերը
Պրոբացիոն ծառայության պիլոտային ծրագրի շրջանակում օգոստոսի 3-ին ՀՀ աշխատանքի և սոցիալական հարցերի նախարարության «Զբաղվածության պետական ծառայություն» գործակալության Շենգավիթ զբաղվածության տարածքային կենտրոնի տնօրեն Նարինե Մարտիրոսյանը հանդիպել է ԱՊԿԲ Շենգավիթ բաժանմունքում հաշվառված թվով տասը դատապարտյալների հետ:
Ամփոփվել են հաշտարարների որակավորման դասընթացին մասնակցել ցանկացող ֆիզիկական անձանց դիմումները
ՀՀ արդարադատության նախարարության հաշտարարության որակավորման հանձնաժողովը 2015 թվականի հուլիսի 30-ի նիստում ուսումնասիրել և ամփոփել է հաշտարարների որակավորման դասընթացին մասնակցել ցանկացող ֆիզիկական անձանց դիմումները, դիմողների ներկայացրած փաստաթղթերի հիման վրա հաշտարարի թեկնածուներին ներկայացվող պահանջների համապատասխանությունը ՀՀ դատական օրենսգրքի 227.6-րդ հոդվածի պահանջներին:
Դատապարտյալներին Զբաղվածության կենտրոնում հաշվառելու և զբաղվածության պետական ծրագրերում ներգրավելու վերաբերյալ պայմանավորվածություն է ձեռք բերվել
Պրոբացիոն ծառայության պիլոտային ծրագրի շրջանակում ՀՀ ԱՆ ՔԿՎ Այլընտրանքային պատիժների կատարման բաժնի Լոռու բաժանմունքի և Վանաձորի զբաղվածության տարածքային կենտրոնը հուլիսի 29-ին քննարկել են դատապարտյալների զբաղվածությանը վերաբերող հարցեր:
Լրագրողներին ու փաստաբաններին ներկայացվել է «Անձնական տվյալների պաշտպանության մասին» ՀՀ օրենքը
Արդարադատության նախարարի առաջին տեղակալ, նախարարի ժամանակավոր պաշտոնակատար Արսեն Մկրտչյանն օգոստոսի 1-ին մասնակցել է լրագրողների և փաստաբանների համար կազմակերպված աշխատանքային երկօրյա քննարկմանը:
«Արևելյան Եվրոպայում և Կենտրոնական Ասիայում իրավաբանական անձանց պատասխանատվությունը կոռուպցիայի համար» խորագրով զեկույցը
Հայաստանի Հանրապետության արդարադատության նախարարությունը թարգմանել է Տնտեսական համագործակցության և զարգացման կազմակերպության (OECD) Արևելյան Եվրոպայի և Կենտրոնական Ասիայի հակակոռուպցիոն ցանցի «Արևելյան Եվրոպայում և Կենտրոնական Ասիայում իրավաբանական անձանց պատասխանատվությունը կոռուպցիայի համար» խորագրով զեկույցը:
Սուրեն Քրմոյանը մասնակցել է «Մասնավոր հատվածը կոռուպցիայի դեմ պայքարի մարտահրավերներին դեմ հանդիման» խորագրով աշխատաժողովին
Բացման խոսքում Սուրեն Քրմոյանը կարևորել է նման ձևաչափով հանդիպումների կազմակերպումը և շնորհակալություն հայտնել ԵՄ-ին Հայաստանում կոռուպցիոն ռիսկերի նվազեցմանն ուղղված հետևողական ջանքերի համար: Ըստ նախարարի տեղակալի՝ կոռուպցիայի դեմ պայքարն ունի երկու ուղղություն՝ կառավարության գործունեություն և մասնավոր հատվածի ներգրավվածություն, որը պետք է հիմնվի փոխադարձ վստահության ու փոխգործակցության վրա՝ նպաստելով սոցիալ-տնտեսական առողջ միջավայրի և թափանցիկ ու ազնիվ աշխատելու հստակ մեխանիզմների ձևավորմանը: «Կառավարությունն իր պատրաստակամությունն արտահայտել է. մշակվել է համապատասխան ռազմավարություն, ուստի կարևոր է նաև բիզնես սեկտորի և քաղաքացիական հասարակության ներգրավվածությունը, որպեսզի ձևավորվի համապատասխան միջավայր»,-ընդգծել է Սուրեն Քրմոյանը:
Արդարադատության նախարարի տեղակալը մասնակցել է երեխաների իրավունքների պաշտպանությանը նվիրված համաժողովին
Միջոցառումը նվիրված է եղել ծնողների կողմից երեխաների առևանգման միջազգային խնդիրներին, Հաագայի կոնվենցիայի շրջանակում իրականացվող որդեգրումների և երեխաների սեռական շահագործման հարցերին:
Պարզաբանում
Փաստաթղթերի ուսումնասիրության արդյունքում 24.06.2015թ. ՀՀ ԱՆ իրավաբանական անձանց պետական ռեգիստրի գործակալության պետի թիվ 211-Մ-98 որոշմամբ մերժվել է Կուսակցության պետական գրանցումը` ներկայացված փաստաթղթերը և կանոնադրությունը ՀՀ օրենսդրության պահանջներին չհամապատասխանելու հիմքերով:
Արսեն Մկրտչյանն ընդունել է Համաշխարհային բանկի պատվիրակությանը
Արդարադատության նախարարի ժամանակավոր պաշտոնակատար Արսեն Մկրտչյանը բարձր է գնահատել Համաշխարհային բանկի հետ ունեցած փոխգործակցությունն ու կարևորել ՀԲ աջակցությամբ նորմատիվ իրավական ակտերի մշակման միասնական էլեկտրոնային համակարգի ներդրմանն ուղղված աշխատանքները: