Քննարկել այն, ինչը մշակվում է արդարադատության նախարարությունում, ոչ թե անհայտ ծագումնաբանությամբ փաստաթղթեր. Դավիթ Հարությունյան

29/09/2017

ՀՀ արդարադատության նախարար Դավիթ Հարությունյանն այսօր լրագրողների հետ հանդիպմանն անդրադարձավ բուռն քննարկումների առիթ դարձած «Տեղեկատվության ազատության մասին» օրենքի նախագծին՝ ասելով, թե այն, ինչն առաջացրել է բուռն քննադատություն, ունի որոշ չափով անհայտ ծագումնաբանություն։

Նախարարն ասաց, որ ընդհանրապես անհրաժեշտ է քննարկել այն, ինչը քննարկվում է և պատրաստ է քննարկման։

«Իսկ եթե տարբեր անձանց կողմից հնչած տարբեր գաղափարների հավաքածուի վերաբերյալ քննարկում է իրականացվում, հետո դա սկսում է քննադատվել, ես չգիտեմ, թե ինչ պետք է ես ներկայացնեմ», - ասաց Դավիթ Հարությունյանը։

 

Սկզբնաղբյուրը ՝ https://www.aysor.am/am/news/2017/09/28/%D4%B4%D5%A1%D5%BE%D5%AB%D5%A9-%D5%80%D5%A1%D6%80%D5%B8%D6%82%D5%A9%D5%B5%D5%B8%D6%82%D5%B6%D5%B5%D5%A1%D5%B6/1316662