Դասընթաց` իրավական ակտերի մշակման տեխնիկայի և հմտությունների կատարելագործման թեմայով
01/11/2013
Հոկտեմբերի 31-ից ՀՀ արդարադատության նախարարությունը և Գերմանական միջազգային համագործակցության ընկերության (GIZ) «Հարավային Կովկասում իրավական և դատական բարեփոխումների համար խորհրդատվություն» ծրագիրը համատեղ երկօրյա դասընթացներ անցկացրեցին իրավական ակտերի մշակման տեխնիկայի և հմտությունների կատարելագործման թեմայով: Դասընթացն անցկացվեց ՀՀ կառավարության արձանագրային որոշմամբ ընդունված «Իրավական ակտերի մշակման մեթոդական ցուցումների» հիման վրա, որը մշակվել է Գերմանական միջազգային համագործակցության ընկերության (GIZ) «Հարավային Կովկասում իրավական և դատական բարեփոխումների համար խորհրդատվություն» ծրագրի և գերմանացի փորձագետի աջակցությամբ:
Դասընթացի կազմակերպիչներն ակնկալում են, որ ինտերակտիվ քննարկումների, վարժությունների, տրված առաջադրանքների լուծման միջոցով մասնակիցները նախ կզարգացնեն իրավական ակտերի մշակման իրենց հմտությունները, ապա ավելի լավ պատկերացում կկազմեն տարբեր մեթոդների կիրառման մասին:
Դասընթացը վարում էր գերմանացի փորձագետ Ֆրիդերիկե Վիտտեն:
Իրավական ակտերի մշակման մեթոդական ցուցումները, դրանց դերն ու նշանակությունն իր խոսքում ներկայացրեց ՀՀ արդարադատության նախարարի խորհրդական Նորա Սարգսյանը: